Tbilisi, 14 fevral, AZƏRTAC
Gürcüstanın xarici işlər naziri Maka Boçorişvili Münxen Təhlükəsizlik Konfransı çərçivəsində “Avrasiya strateji nizamının müəyyənləşdirilməsi: Orta Dəhliz sabitlik, sülh, təhlükəsizlik və bağlantı üçün Avropa təhlükəsizlik gündəliyi kimi” mövzusunda panel müzakirəsində iştirak edib.
AZƏRTAC xəbər verir ki, bununla bağlı Gürcüstanın Xarici İşlər Nazirliyi məlumat yayıb. Məlumatda bildirilir ki, nazir Orta Dəhlizin inkişafı kontekstində Gürcüstanın roluna diqqət yetirib və əlaqənin gücləndirilməsinin vacibliyini qeyd edib. Onun sözlərinə görə, Orta Dəhliz təkcə nəqliyyat yolu deyil, həm də təhlükəsiz, sürətli və effektiv iqtisadi körpüdür.
Xətayi Əzizov
AZƏRTAC-ın xüsusi müxbiri
Tbilisi
