Müğənni Ofelya Şabanova ona qarşı səslənən ailə dağıtmaq iddialarına cavab verib.Heftelik.az xəbər verir ki, o, bu barədə “Öz aramızda” verilişində danışıb.
“Mənim millətim bilir ki, Ofelya kimdir. Kiməsə, nəyisə sübut etməyə ehtiyacım yoxdur. Bəli, çox demişəm ki, mənim yoldaşım məndən əvvəl evlənib, boşanıb. Burada ayıb heç nə yoxdur”, – deyə müğənni bildirib.
Aparıcının “Ceyhun bəyin ailəsini siz dağıtmısız?” sualını cavablandıran müğənni sözlərinə belə davam edib:
“Əstəğfürullah! Sizcə 16 yaşlı bir uşaq ailə dağıda bilərmi? 16 yaşda heç dünyanı bilmirdim. Düzdür, erkən nikaha yox deyirik. Bu açıqlamanı birinci və sonuncu dəfə verirəm. Yoldaşım məndən əvvəl ailə qurub, boşanıb. Mən olmasaydım da, başqa biri ilə evlənəcəkdi. Şər-böhtanlarla bağlı isə yalnız Allahın ətəyinə sığınıram”.
