Kivini qabığı ilə yemək faydalıdır, çünki meyvə insan bağırsağına müsbət təsir göstərə bilər.
Publika.az xəbər verir ki, bu barədə endokrinoloq və diyetoloq Vladimir Mayorov bildirib.
Mütəxəssisin sözlərinə görə, kivi qabığı çoxlu lif və antioksidant ehtiva etdiyi üçün bağırsaq sağlamlığı üçün faydalıdır. Bununla belə, həkim kivini qabığı ilə yeməyin başqa nüanslarını da vurğulayıb. Məsələn, meyvə yetişmiş olmalı və qabığın tüklü səthi düzgün şəkildə yuyulmalıdır.
Mayorov deyib ki, kivilər 20-30 saniyə axar suyun altında yaxalanmalı, sonra tərəvəz və ya meyvə fırçası ilə təmizlənməlidir. Çünki bu, tüklü qabıqdan çirki təmizləməyin ən yaxşı yoludur.
Diyetoloq qeyd edib ki, kivi qabığı allergiyası olan insanlar, eləcə də diş problemləri və ya mədə-bağırsaq problemləri olanlar üçün əks göstəriş ola bilər. Belə hallarda meyvənin qabığını soymaq lazımdır.
