Səkkiz üzv dövlətin nümayəndələrinin dəvət olunmadığı Avropa İttifaqı liderlərinin qeyri-rəsmi görüşü uğursuzluqla başa çatıb.
HİT.az xəbər verir ki, "Politico" bu barədə üç Aİ diplomatına istinadən yazıb.
Nəşr qeyd edir ki, üç təşəbbüskardan ikisi gecikib və iştirak edənlər heç vaxt əsaslı müzakirəyə keçməyiblər.
Səhər yeməyi görüşü bir növ uğursuzluqla nəticələnib. 19 liderdən çox az adam danışa bilib. Aİ diplomatının sözlərinə görə, digər liderləri dəvət edən İtaliyanın Baş naziri Corcia Meloni ən sonda gəlib. Nəşr bildirib ki, nəyin müzakirə olunduğu soruşulduqda, diplomat "heç nə" cavabını verib.
"Politico"nun məlumatına görə, Almaniya kansleri Fridrix Merz və Fransa prezidenti Emmanuel Makron da gecikiblər. Avropa Şurasının prezidenti António Kosta görüşü onları gözləmədən başlayıb.
Bundan əvvəl İspaniyanın Belçikada qeyri-rəsmi Aİ sammitindən əvvəl bir neçə Avropa lideri üçün oteldə ilkin görüşün keçirilməsi ilə bağlı İtaliyaya narazılığını bildirdiyi məlum olub. Madrid bu formatı ümumavropa prinsiplərini pozmaq kimi qiymətləndirib.
Samir
