Ukrayna Xarici İşlər Nazirliyi Macarıstanın Kiyevdəki səfirini çağıraraq Baş nazir Viktor Orbanın Ukraynanın Macarıstanın düşməni olması barədə son açıqlaması ilə bağlı izahat tələb edib.
Herbiand.az xəbər verir ki, bunu Macarıstanın xarici işlər naziri Peter Siyarto açıqlayıb.
Siyarto hesab edir ki, bu gün baş verən hadisələr Ukrayna hakimiyyətinin hərəkətlərinin düşmənçilik xarakterini təsdiqləyib.
"Kiyevdəki səfirimiz Xarici İşlər Nazirliyinə çağırılıb və ondan Viktor Orbanın Ukraynanı düşmən adlandırmağa necə cəsarət etdiyi soruşulub. Bu arada, ukraynalılar hər gün Ukraynanın həqiqətən Macarıstanın düşməni olduğunu sübut etmək üçün yeni addımlar atırlar".
Xarici işlər naziri bildirib ki, "hazırda, məhz Zelenskinin siyasi qərarı sayəsində onlar Rusiyadan “Drujba” boru kəməri vasitəsilə Macarıstana neft nəqlinin bərpasına mane olurlar".
Onun fikrincə, "ukraynalıların bu addımı bir daha sübut edib ki, Ukrayna Macarıstanın düşmənidir". Sijjarto qeyd edib ki, Ukrayna bu cür addımları siyasi səbəblərdən, hökumətə mane olmaq və 12 apreldə Macarıstanda keçiriləcək parlament seçkiləri ərəfəsində müxalifəti dəstəkləmək üçün atır.
