ABŞ dövlət katibi Marko Rubio Münhendə Ukrayna prezidenti Volodimir Zelenski ilə görüşmək planlarını açıqlayıb. Vətəninfo.az xəbər verir ki, bu barədə ABŞ dövlət katibi Münhen Təhlükəsizlik Konfransında iştirak etmək üçün Avropaya yola düşməzdən əvvəl jurnalistlərə bildirib.
“Düşünürəm ki, belədir. Düşünürəm ki, o, orada olacaq və bizim onunla görüşmək imkanımız olacaq. Bu, 100% dəqiq deyil, amma əminəm ki, olacaq”, – deyə o bildirib.
Rubio həmçinin Rusiya enerjisinin idxalının dayandırılması məsələsini Macarıstan və Slovakiya nümayəndələri ilə müzakirə etmək niyyətini vurğuladı. “Bu barədə onlarla danışacağıq. Nəyin baş verməli olduğunu müzakirə edəcəyik. Bu görüşlər zamanı nələri müzakirə edəcəyimiz barədə ətraflı danışmayacağam. Amma ilk növbədə, bunlar bizi çox güclü dəstəkləyən, ABŞ ilə fəal əməkdaşlıq edən və bizimlə sıx əməkdaşlıq edən ölkələrdir”, – deyə ABŞ dövlət katibi əlavə edib.
