ABŞ ilə İran arasında hər hansı bir müharibə enerji təhlükəsizliyini təhdid edəcək və Hörmüz boğazının bağlanmasına səbəb ola bilər.
Ölkə.Az xəbər verir ki, belə bir bəyanatla İranın Xarici Əlaqələr üzrə Strateji Şurasının katibi Cəlal Dehqani Firuzabadi çıxış edib. Bu barədə "Iran International" məlumat yayıb.
O bildirib ki, "Əgər regionda müharibə başlasa, enerji təhlükəsizliyi təhdid altına düşəcək və Hörmüz boğazı bağlanacaq".
O əlavə edib ki, boğaz bağlanarsa, "ilk olaraq Çin əziyyət çəkəcək" və Çinin müharibəyə qarşı çıxmasının səbəbi də məhz budur.
