Rusiya Federasiyası Azərbaycan və Türkiyə ilə dəmir yolu əlaqəsinin bərpasına dəstək verməyi planlaşdırır. Layihənin həyata keçirilməsi çərçivəsində Rusiya ilə Gürcüstan arasında dəmir yolu əlaqəsinin bərpası da planlaşdırılır.
Rusiya Federasiyası Baş nazirinin müavini Aleksey Overçuk bildirib ki, Moskva və Yerevan iki dəmir yolu xəttinin işə salınması və onların Azərbaycan və Türkiyədəki yollarla daha da birləşdirilməsi üçün texniki və maliyyə şərtlərini qiymətləndirəcəklər.
Overçukun dediyi kimi, işlərin 1,6 km və 12,4 km uzunluğunda hissələrdə aparılması planlaşdırılır. Layihənin həyata keçirilməsi Rusiyanın Naxçıvan, Türkiyə və İranla dəmir yolu əlaqəsinə imkan verəcək. Overçuk qeyd edib ki, iddialı vəzifəni həyata keçirmək üçün Abxaziya vasitəsilə Rusiya Federasiyası ilə Gürcüstan arasında əlaqənin bərpası da planlaşdırılır.
