Ukrayna və Rusiya yaya qədər atəşkəs elan edə bilər, lakin bunun üçün ABŞ-ın təcavüzkara təzyiq göstərməsi vacibdir.
Publika.az xəbər verir ki, bunu Ukrayna Prezidenti Volodimir Zelenski jurnalistlərin suallarını cavablandırarkən deyib.
Onun sözlərinə görə, döyüşlərin yaya qədər dayandırılmasının real olub-olmaması təkcə Ukraynadan deyil, həm də Rusiyaya təzyiq göstərməli olan Amerikadan asılıdır.
"Əgər təkcə Ukrayna tərəfində deyil, həm də Rusiyada istək varsa, onda biz yaya qədər düşmənçiliklərə son qoya biləcəyik", - deyə Zelenski qeyd edib.
