Bu günlərdə mobil ödəniş və rəqəmsal pul kisəsi tətbiqi olan m10-da hesabların dondurulmasının ardından bəlli olub ki, bloklanma sistemdə baş verən talama ilə bağlıdır.
Gununsesi.info-nun əldə etdiyi özəl məlumata görə, M10 hesabının başqa şəxslərin idarəçiliyinə keçməsi nəticəsində ayrı-ayrı insanlara məxsus olan on milyonlarla vəsait talan edilib.
Prosesin ABŞ-dən həyata keçirildiyi bildirilir. Qeyd olunur ki, M10-un xaricdən idarə olunması üçün həmin şəxslər xüsusi qorunan məlumatları və kodları qarşı tərəfə ötürüb.
Hazırda Azərbaycanın hüquq-mühafizə orqanlarında cinayət işləri açıldığı və iş üzrə həbslərin həyata keçirildiyi deyilir.
Olayın təfərrüatları və talanmış məbləğlə bağlı açıqlama verilmir.
Əli TURABOV
