ain.az, Xalqcebhesi saytından verilən məlumata əsaslanaraq xəbər yayır.
Cənubi Koreyada neft anbarının ərazisində partlayış baş verib, ardınca yanğın başlayıb.
Xalqcebhesi.az xəbər verir ki, bu barədə “Yonhap” agentliyi məlumat yayıb.
“Məlumata görə, benzinin saxlandığı iri rezervuarda partlayış olub və bundan sonra yanğın başlayıb”, — deyə məlumatda bildirilir.
Agentliyin məlumatına əsasən, yanğınsöndürmə xidmətlərinin operativ müdaxiləsi sayəsində alov qısa müddətdə lokallaşdırılıb.
Hadisə fevralın 10-u səhər saatlarında Kyonqsan şəhərinin (Kyonqsan-Pukto vilayəti) Hayang qəzasında baş verib. Yanğın yerli vaxtla saat 7:47-də (1:47) Daehan Oil Pipeline şirkətinin regional filialına məxsus, açıq rezervuarlardan ibarət anbar kompleksində başlayıb. Yanğının episentri yanacağın saxlanıldığı neft anbarı olub. Həmin ərazidə 12–14 ədəd yanacaq çəni yerləşdiyindən genişmiqyaslı qəza təhlükəsi yaranıb.
“Kyonqsan şəhər administrasiyasının məlumatına görə, artıq saat 8:08-də (2:08) hadisə yerində çalışan yanğınsöndürənlərdən yanğının söndürülməsinin ilkin mərhələsinin başa çatması barədə məlumat daxil olub”, — deyə agentlik yazır.
Benzin saxlanılan rezervuarın ümumi həcmi təxminən 3,3 milyon litrdir. İlkin məlumatlara görə, yanğın baş verən vaxt çən təxminən 80 faiz dolu olub.
Məryəm Quliyeva
Ən son xəbərləri və yenilikləri almaq üçün ain.az saytını izləyin.
