ABŞ prezidenti Donald Tramp bildirib ki, amerikalılar bu obyekt üzərində mülkiyyət hüququnun yarısını əldə etməyənədək Kanada ilə Miçiqan ştatı arasında yerləşən Qordi Hau körpüsünün açılışını bloklayacaq.
Xalqcebhesi.az xəbər verir ki, bu barədə ABŞ lideri "Truth Social" sosial şəbəkəsində yazıb.
“Biz dərhal danışıqlara başlayacağıq. Onlara verdiyimiz hər şeyi nəzərə alsaq, bu aktivin ən azı yarısı bizə məxsus olmalıdır. Kanadanın ABŞ bazarı hesabına əldə edəcəyi gəlirlər astronomik olacaq”, — deyə Tramp vurğulayıb.
ABŞ prezidenti tələblərini qonşu ölkəyə qarşı bir sıra iddialarla əsaslandırıb. Xüsusilə, o bildirib ki, ABŞ-ın 44-cü prezidenti Barak Obama Amerika poladından istifadə edilmədən Qordi Hau körpüsünün tikintisinə icazə verməklə “axmaq bir səhv” edib. Bundan başqa, Ağ Evin rəhbəri Kanadanı Ontarioda Amerika spirtli içkilərinin satışına qadağa qoymaqda və süd məhsullarına “qəbuledilməz” tariflər tətbiq etməkdə ittiham edib. Tramp eyni zamanda Kanadanın Çinlə mümkün yaxınlaşmasını da növbəti dəfə şərh edib.
Məryəm Quliyeva
