67 yaşlı pop müğənnisi Madonna İngiltərə Qadınlar Super Liqasının “Tottenhem” və “Çelsi ” (0-2) arasında keçirilən oyununa qatılıb.
Publika.az xəbər verir ki, bundan əvvəl o, “Tottenhem” akademiyasında təhsil alan övladlığa götürdüyü 13 yaşlı əkiz qızları Stella və Esterə dəstək olub.
Madonna sosial mediada yazıb: “İrəli, Stella və Ester, Tottenham qalib gəlir!!! 5-0” .
O, 29 yaşlı Akim Morrislə birlikdə tribunada şəkil çəkdirib. Cütlüyün nişanlı olduğu bildirilir.
Madonnanın futbola maraq göstərməsi ilk dəfə deyil. 2017-ci ildə oğlu David Bandanın futbol karyerasına dəstək olmaq üçün Lissabona köçüb. O, 12 yaşından etibarən “Benfika” akademiyasında oynayıb, lakin heç vaxt peşəkar olmayıb və hazırda bəstəkar kimi çalışır.
