Türkiyəli futbol şərhçisi, sabiq hakim Erman Toroğlu istintaqa çağırılıb.
News365.az xəbər verir ki, bu barədə “Milliyət” qəzeti məlumat yayıb.
Bildirilib ki, onun barəsində efirdə səsləndirdiyi fikirlərə görə istintaq başladılıb.
Toroğlu dezinformasiya yaymaqda ittiham olunur.
Qeyd edək ki, sabiq hakimin istintağa çağırılmasına səbəb efir zamanı "Qalatasaray"ın prezidenti Dursun Özbəklə bağlı fikirləri olub. İddia olunur ki, Toroğlu efirdə “D.Özbək Türkiyə Futbol Federasiyasının prezidenti ilə gizli görüşündə "Biz bu il çempion olmağa məcburuq, vəziyyət çox pisdir, bizə kömək ol" deyib" ifadəsini işlətdiyi üçün haqqında araşdırma aparılır.
