ain.az, Fanat saytından verilən məlumata əsaslanaraq xəbər yayır.
"Sabah"ın qapıçısı Rüstəm Samiqullin karyerasını I Liqada davam etdirəcək.
Fanat.Az-ın əldə etdiyi məlumata görə, Bakı təmsilçisində ehtiyatda qalmaqdan bezən 23 yaşlı qolkiper "Cəbrayıl"a keçib.
Fərman Bayramovun "Qaradağ Lökbatan"a üz tutmasından sonra bir qapıçının ümidinə qalan Qarabağ təmsilçisi boşluğu U-21-in sabiq üzvü ilə doldurub. Cavid Hüseynovun başçılıq etdiyi "Cəbrayıl" Samiqullini icarəyə götürüb. O, mövsümün sonuna kimi bölgə təmsilçisinin uğurları üçün çalışacaq.
"Sabah"ın yetirməsi olan Rüstəm Samiqullin 2024/2025 mövsümündə "Neftçi"də icarə əsasında çıxış edib.
Qeyd edək ki, 13 oyunda 13 xal əldə edən "Cəbrayıl" hazırda turnir cədvəlinin 7-ci pilləsində qərarlaşıb.
Mirağa
Abunə Ol
Daha ətraflı məlumat və yeniliklər üçün ain.az saytını izləyin.
