Dünyada baş verən zəlzələlər, daşqınlar, meşə yanğınları və ekstremal hava hadisələri cəmiyyət arasında gələcəklə bağlı narahatlıqları artırıb. Xüsusilə sosial şəbəkələrdə və bəzi media platformalarında 2026-cı il üçün kahinlərin və mistik şəxslərin irəli sürdüyü proqnozlar geniş müzakirə olunur.
Bu proqnozlarda zəlzələlər, təbii fəlakətlər və qlobal böhranlar barədə iddialar yer alıb. Lakin bu iddiaların nə dərəcədə real olduğu sual doğurur.
Paytaxt.org bildirir ki, Sfera.az-ın araşdırmasına əsasən, mistik proqnozlarla tanınan Baba Vanqa və Bhavişaya Malikanın proqnozlarına görə, 2026-cı ildə təbii fəlakətlərin intensivliyi artacaq. Bu proqnozlarda güclü zəlzələlər, vulkan püskürmələri, sunamilər və ekstremal hava hadisələrinin çoxalacağı qeyd olunub.
Bəzi mənbələrdə sahil bölgələrinin su altında qalması, quraqlıqlar və meşə yanğınlarının genişlənməsi də ehtimal kimi göstərilib. Məsələn, Malikanın proqnozuna görə, 2026-cı il dünyanın indiyə qədər şahidi olduğu ən sərt qış olacaq. Amerika bu qışdan tamamilə narahat olacaq. 2026-cı ilin yanvar ayından aprel ayına qədər dünyanın bir çox yerində daşqınlar baş verəcək, rekordlar və torpaq sürüşmələri gerçəkləşəcək.
Bu, kənd təsərrüfatına və məhsul yığımına mənfi təsir göstərəcək. 9+ bal gücündə zəlzələ baş verəcək və bu zəlzələlər tədricən artacaq. Bhavişya Malika 7 gün ərzində davamlı yağış yağacağından bəhs edib ki, bu da normal hal olmayacaq. Baba Vanqanın proqnozlarına görə isə, 2026-cı ildə 3-cü dünya müharibəsi başlayacaq. Xüsusilə Tayvan və Şərqi Avropa və ABŞ-Çin-Rusiya münasibətləri arasında böyük dövlətləri əhatə edən güc münaqişələri, 3-cü Dünya Müharibəsinin baş verə biləcəyinə dair əlamətlər göstərir ki, bu da beynəlxalq iğtişaşlara səbəb olacaq. Proqnozlara böyük zəlzələlər, vulkan püskürmələri və buz örtüklərinin əriməsi nəticəsində yaranan daşqınlar daxil olmaqla fəlakətli təbii fəlakətlər daxildir. Bundan Yer kürəsinin quru hissəsinin 7-8%-ə qədəri təsirlənə bilər. O, xəbərdarlıq edib ki, "bəşəriyyət yerüstü həyatla təmasda olacaq və bu, qlobal böhrana və ya apokalipsisə səbəb ola bilər". Yəni insanların yadplanetlilərlə qarşılaşacağını qeyd edib.
Onun yazılarından başqa bir ayədə bu il yeddi aylıq böyük müharibənin başladığı barədə xəbərdarlıq edilib. Lakin ekspertlər bildirir ki, bu proqnozların böyük hissəsi şifahi mənbələrə, sonradan yozulan mətnlərə və sensasiya xarakterli şərhlərə əsaslanır. Onların elmi sübutu yoxdur və dəqiq tarix, yer və ölçü kimi konkret məlumat təqdim edilmir. Seysmologiya və iqlim elmləri sahəsində çalışan mütəxəssislər isə bildirib ki, zəlzələlərin və digər təbii fəlakətlərin dəqiq vaxtını və yerini əvvəlcədən proqnozlaşdırmaq hazırda mümkün deyil.
Geoloji proseslər son dərəcə mürəkkəbdir və yalnız statistik risk zonaları və ehtimal dərəcələri müəyyən edilə bilər. Azərbaycan da daxil olmaqla Qafqaz regionu Alp-Himalay seysmik qurşağında yerləşdiyinə görə seysmik aktiv zonadır. Bu səbəbdən regionda zaman-zaman 3-5 bal gücündə zəlzələlər normal hesab olunur. Lakin alimlər böyük və dağıdıcı zəlzələlərin nə vaxt baş verəcəyini öncədən söyləyə bilmirlər. İqlim mütəxəssisləri isə, qlobal istiləşmə fonunda ekstremal hava hadisələrinin artacağını bildirib. Lakin bu da konkret tarix və il üzrə dəqiq proqnoz deyil, uzunmüddətli iqlim tendensiyasıdır.
