Azərbaycan 2-ci Liqa təmsilçisi "Xankəndi" mövsümün ikinci hissəsinə hazırlığını davam etdirir.
Fanat.Az-ın əldə etdiyi məlumata görə, Qarabağ təmsilçisi bu gün Region Liqasında mübarizə aparan "Zəngəzur" ilə yoxlama oyununa çıxacaq.
Görüş saat 11:00-da Bakıxanov qəsəbə stadionunda baş tutacaq.
Turnir cədvəlində lider "Qaradağ Lökbatan"dan əlavə göstəricilərə görə geri qalan (hər iki komandanın 39 xalı var) "Xankəndi" fevralın 16-da daha bir sınaq matçına çıxacaq. Həmin gün rəqib 2-ci Liqanın iddialı kollektivlərindən sayılan "Şirvan" olacaq.
"Xankəndi" yanvarın 29-da keçirdiyi yoxlama oyununda "Səbail"ə 1:2 hesabı ilə uduzub.
Qeyd edək ki, Qarabağ təmsilçisi qış fasiləsində Zaur Hacıyevə tapşırılıb. O, bu postda İbrahim Uzuncanı əvəzləyib. Hacıyev son olaraq "Karvan-Yevlax"da köməkçi məşqçi kimi çalışıb.
Mirağa
