"Barselona" İspaniya futbol çempionatının XXIII turunun matçında "Malyorka" üzərində qələbə qazanıb.
"Far.Az" xəbər verir ki, görüş "Kamp Nou" stadionunda keçirilib və 3:0 hesabı ilə başa çatıb.
Qələbə toplarını 29-cu dəqiqədə Robert Levandovski, 61-ci dəqiqədə Lamin Yamal və 83-cü dəqiqədə Mark Bernal vurub. 18 yaşlı Bernal üçün bu qol kataloniyalıların əsas komandasında ilk olub.
Bu qələbədən sonra "Barselona" 58 xalla La Liqanın turnir cədvəlində liderliyi qoruyur. İkinci yerdə "Real" (54 xal, ehtiyatda bir oyunu var) qərarlaşıb. İlk "üçlüy"ü paytaxt "Atletiko"su tamamlayır (45 xal, ehtiyatda bir oyunu var).
"Malyorka" 24 xalla 15-ci yerdədir.
