ABŞ-nin Ümumdünya Səhiyyə Təşkilatından (ÜST) çıxması ilə bağlı yekun qərar may ayının ortalarında keçiriləcək və qərar Ümumdünya Səhiyyə Assambleyasında veriləcək.
"Unikal" xarici KİV-ə istinadən xəbər verir ki, ABŞ, Prezident Donald Trampın təşkilata çıxmaq niyyətini bildirməsindən bir il sonra, 22 yanvarda ÜST-dən rəsmi olaraq çıxdığını elan edib. Lakin ÜST tam çıxmanın yalnız ABŞ-nin təşkilata olan bütün maliyyə borclarını ödədikdən sonra mümkün olacağını vurğulayıb. ÜST-ün məlumatına görə, buraya 2024 və 2025-ci illər üçün təxminən 260,6 milyon dollar məbləğində ödənilməmiş ianələr daxildir.
Fevralın 2-dən 7-dək Cenevrədə keçirilən İcraiyyə Şurasının 158-ci sessiyası zamanı İcraiyyə Şurasının 34 üzvündən ABŞ-nin təşkilat daxilində statusunun praktiki aspektləri ilə bağlı ilkin tövsiyələr hazırlamaq istənilib. Lakin ABŞ-nin qərarını dəstəkləyən İsrail istisna olmaqla, İcraiyyə Şurasının qalan üzvləri şərh verməkdən çəkiniblər. Ümumdünya Səhiyyə Assambleyası iştirakçıları üçün hər hansı tövsiyəni özündə əks etdirən heç bir qətnamə layihəsi təqdim edilməyib. Buna görə də, ABŞ-nin ÜST-dən çıxması ilə bağlı yekun qərar tamamilə may Assambleyası iştirakçılarına aiddir.
Gülayə Mecid
