Təqdimat tədbirində turizm ictimaiyyətinin nümayəndələri ilə yanaşı, ATAA Peşəkar Turizmçilər Komitəsinin üzvü Nazar Eminov da iştirak edib. Tədbir zamanı müəlliflə görüşən Nəzər Eminova Orhan Sancar tərəfindən kitabın ilk imzalı nüsxəsi hədiyyə olunub.

Qeyd edək ki, nəşr müəllifin təxminən yarım əsri əhatə edən turizm fəaliyyəti, Mardindən Orta Asiyaya uzanan zəngin və çoxşaxəli peşəkar həyat yolundan bəhs edir. Kitabda yer alan arxiv materialları və fotolar oxuculara təkcə turizm tarixini deyil, eyni zamanda bir ömrün yol xəritəsini təqdim edir.

Orhan Sancarın bu əsəri turizm sahəsində çalışanlar üçün həm dəyərli mənbə, həm də ilhamverici vəsait kimi dəyərləndirilir.