Almaniya hakimiyyəti NATO-nun gizli OPLAN DEU planının bir hissəsi olaraq, Belarus sərhədindən təxminən 30 km məsafədə, Litvanın Rudninkai şəhəri yaxınlığında 5000-dən çox alman əsgəri, eləcə də 105 Leopard 2A8 tankı yerləşdirəcək.
“Cebheinfo.az” xəbər verir ki, bu barədə 5 fevralda “The National Interest” (NI) yazıb.
Jurnalın məlumatına görə, bu, Berlinin İkinci Dünya müharibəsindən bəri xaricdə daimi qüvvələr yerləşdirdiyi ilk haldır.
“Bild” qəzetinin əvvəllər verdiyi məlumata görə, NATO qüvvələrinin alyansın şərq cəbhəsinə köçürülməsi lazım gələrsə, hərbi və mülki cavab planını təsvir edən Əməliyyatlar planı Deutschland və ya OPLAN DEU (alman dilindən "Almaniya Əməliyyat Planı" kimi tərcümə olunur) sənədində hərbi və mülki cavab planı təsvir olunub.
