Əbu-Dabidə keçirilən danışıqların ikinci mərhələsində Rusiya nümayəndə heyətinə yenidən Baş Qərargah rəisi İqor Kostyukov rəhbərlik edir.
Ukraynanı Milli Təhlükəsizlik və Müdafiə Şurasının katibi Rüstəm Umerov təmsil edir. ABŞ xüsusi nümayəndə Stiven Vitkov və Trampın kürəkəni Cared Kuşneri göndərib; onlar hər iki nümayəndə heyəti ilə ayrı-ayrı görüşlər keçirəcəklər. “Üçtərəfli formatda danışıqlar, sonra işçi qruplar”, – Umerov təsdiqləyib.
23-24 yanvar tarixlərində keçirilən birinci mərhələ Əbu-Dabidə qapalı qapılar arxasında keçirilib. “Axios” mənbələrə istinadən bildirib ki, “Biz hər şeyi müzakirə etdik, birlikdə nahar etdik – demək olar ki, dost kimi”. “Financial Times” qəzeti Vaşinqtonun Kiyevə təhlükəsizlik zəmanətləri müqabilində Donbas məsələsində güzəştlər barədə işarə etdiyini bildirib. Kreml isə əksinə, eyforiya və irəliləyiş gözləntiləri barədə xəbərdarlıq edib. “Politico” ikinci mərhələnin “daha ümidverici” olacağını proqnozlaşdırır.
Qeyd edək ki, danışıqlar əvvəlcə 1 fevrala planlaşdırılmışdı, lakin “cədvəldəki ziddiyyətlərə görə” təxirə salınıb. Bir gün əvvəl Rusiya Ukraynanın enerji sektoruna – Kiyev, Xarkov və Odessaya zərbələri bərpa etdi. Belqorod da Ukrayna Silahlı Qüvvələrinin raket hücumundan sonra zərər gördü. Zelenski Moskvanı günahlandırdı və ABŞ-dan cavab tələb edib.
//Samir Qurbanov, Editor.az
