Azərbaycan Kubokunun 1/4 final mərhələsi çərçivəsində baş tutan "Turan Tovuz" - "Kəpəz" qarşılaşmasında gərgin anlar yaşanıb.
QOL.az xəbər verir ki, "Azərsun Arena"da keçirilən oyunun gedişində meydan sahiblərinin baş məşqçisi Kurban Berdiyev qırmızı vərəqə ilə cəzalandırılıb.
73 yaşlı mütəxəssis hakimin qərarlarına qarşı nümayiş etdirdiyi sərt etiraza görə texniki zonadan kənarlaşdırılıb.
