ABŞ prezidenti Donald Tramp hesab edir ki, İranın Ali Lideri Ayətullah Əli Xamnəi ölkələr arasında mövcud gərginlikdən ciddi şəkildə narahat olmalıdır.
"Yeni sabah" xəbər verir ki, Tramp NBC-yə verdiyi müsahibədə bildirib:
"Deyərdim ki, o [Xamenei - red.] çox narahat olmalıdır. Bəli, narahat olmalıdır. Bildiyiniz kimi, bizimlə danışıqlar aparırlar".
Bir müddət əvvəl Amerika lideri Tehranın nüvə proqramını bərpa etməyə cəhd edəcəyi təqdirdə ABŞ-nin İrana qarşı sərt tədbirlər görməyə hazır olduğunu bildirmişdi.
Bu açıqlama tərəflərin Cümə günü mübahisəli məsələlər üzrə danışıqlara hazırlaşdığı bir vaxtda gəlir. İran və ABŞ hələ də danışıqların mövzuları və onların yeri barədə müzakirələr aparırlar.
İranın xarici işlər naziri Abbas Əraqçi görüşün cümə günü Məsqətdə keçiriləcəyini təsdiqləmişdi.
Tehran və Vaşinqton artıq beş raund danışıqlar keçiriblər. Altıncı raund hələ baş tutmayıb, çünki İsrail, daha sonra isə ABŞ 2025-ci ilin iyun ayında İrana qarşı hava hücumları təşkil edib.
Telegram kanalımız
