Günə düzgün içki ilə başlamaq qanda şəkərin səviyyəsini stabilləşdirməyə və enerji balansını qorumağa kömək edə bilər. Xüsusilə insulinə davamlılıq və ya diabet problemi olan insanlarda səhər saatlarında qlükoza səviyyəsi qeyri-sabit ola bilər. AzPost EatingWell-ə istinadla xəbər verir ki, mütəxəssislər səhər üçün ən optimal içkinin yaşıl çay olduğunu bildiriblər.
Dietoloqların sözlərinə görə, bəzi içkilər qanda şəkərin kəskin yüksəlməsinə səbəb olduğu halda, digərləri bu artımı yumşaldır və orqanizmin insulinə həssaslığını dəstəkləyir. Bu baxımdan yaşıl çay bioloji aktiv maddələrlə zəngindir və qlükozanın tənzimlənməsində mühüm rol oynaya bilər.
Qeydiyyatdan keçmiş dietoloq Karolina Nemarko bildirib ki, xüsusilə şəkər səviyyəsində dalğalanma yaşayan şəxslərə səhəri yaşıl çayla başlamağı tövsiyə edir. Onun sözlərinə görə, yaşıl çay antioksidantlarla zəngindir və qanda qlükozanın daha stabil qalmasına yardım göstərə bilər.
Mütəxəssislər yaşıl çaydan əlavə, səhər saatlarında şəkər balansına müsbət təsir edən digər içkiləri də qeyd ediblər. Şəkərsiz qara qəhvənin orta miqdarda qəbulu insulinə həssaslığı artıra bilər, lakin ona şəkər və ya süni dadlandırıcılar əlavə edilməməlidir. Həmçinin ilıq limonlu su aşağı kalorili seçim olaraq orqanizmi oyadır və şəkərdə kəskin dəyişiklik yaratmadan maddələr mübadiləsini dəstəkləyə bilər.
Dietoloqlar vurğulayırlar ki, təkcə içki kifayət etmir və qanda şəkərin nəzarətdə saxlanması üçün balanslı səhər yeməyi də vacibdir. Liflə zəngin məhsullar, zülallar və faydalı yağlarla birlikdə qəbul edilən düzgün içkilər ən yaxşı nəticəni verə bilər.
Qidalanma mütəxəssisi Cessi Levin isə qeyd edib ki, səhər içkiləri ümumi qidalanma pSet featured imagelanının bir hissəsidir və onların təsiri gün ərzində qəbul edilən qidalarla birgə daha effektiv olur.
