ABŞ dövlət katibi Marko Rubio İranla danışıqların yeri ilə bağlı "işlərin hələ də davam etdiyini" və danışıqların İranın nüvə və ballistik raket proqramlarını əhatə etməli olduğunu bildirib.
ABŞ Dövlət Katibi Rubio Dövlət Departamentində keçirilən nadir torpaq mineralları üzrə görüşün əvvəlində ABŞ-İran danışıqları ilə bağlı açıqlama verib.
Rubio, danışıqların Omanda keçiriləcəyi ilə bağlı məlumatları təsdiqləmədən dedi: "Görüşün Türkiyədə keçirilməsi üçün razılıq əldə edildiyini düşünürdük. Lakin dünən İran tərəfinin iştirak etməyə razı olmadığını bildirən ziddiyyətli məlumatlar gördüm, buna görə də bu məsələ hələ də üzərində iş gedir."

ABŞ dövlət katibi İranla danışıqlarda müəyyən mövzuların müzakirə mövzusu olmasının vacibliyini vurğulayaraq dedi: "Danışıqların həqiqətən mənalı bir nəticəyə gəlməsi üçün müəyyən mövzuları əhatə etməlidir. Bunlara ballistik raketlərin mənzili, bölgədəki terror təşkilatlarına dəstəyi, nüvə proqramı və öz xalqlarına qarşı rəftarı daxildir."

ABŞ mediasında yer alan xəbərlərdə ABŞ və İran arasında nüvə danışıqlarının Omanda keçirilməsinin planlaşdırıldığı iddia edilmişdi.

aia.az
Tərcümə şöbəsi

• Danışıqlar
• Dövlət Katibi
• İran
• Rubio