Pedofil Ceffri Epşteynin faylları dünyanı silkələməkdə davam edir. Ceffri Epşteyn Böyük Britaniyanın vergi müzakirələri və İngiltərə Bankının siyasəti haqqında real vaxt rejimində məlumatı Böyük Britaniyada yüksək vəzifələr tutmuş Peter Mandelsondan alıb.
QHT.az xəbər verir ki, bu sözləri “Prioritet” Sosial İqtisadi Araşdırmalar Mərkəzi İctimai Birliyinin sədri Zaur İbrahimli bildirib. Onun sözlərinə görə, Mendelson 1998-ci ildə Ticarət və Sənaye üzrə Dövlət Katibi və Biznes və İnnovasiya üzrə Dövlət Katibi vəzifələri də daxil olmaqla, onilliklər ərzində Böyük Britaniyada yüksək vəzifələr tutub, Leyboristlər Partiyasının nüfuzlu üzvləlrindəndir. O, həmçinin 2004-cü ildə Brüsseldə Avropa Ticarət Komissarı vəzifəsində çalışıb:
"The Telegraph" qəzetinin məlumatına görə, "Epstein Faylları"ndan bank çıxarışları göstərir ki, 2004-cü ilin iyun ayında Epsteinin JPMorgan hesablarından Mandelsonun adına açılmış bank hesablarına üç dəfə 25.000 dollar köçürülüb".
