ABŞ Prezidenti Donald Tramp çərşənbə axşamı federal hökumətin maliyyələşdirilməsi ilə bağlı qanun layihələri paketini imzalayaraq, təxminən dörd günlük qismən hökumət bağlanmasına son qoyub.
“İki sahil” xəbər verir ki, bu barədə ABŞ prezidenti Ağ Evdə keçirilən sənədlərin imzalanması mərasimində bildirib. “Federal hökumətin dərhal yenidən açılması və maliyyə ilinin qalan hissəsi ərzində əməliyyatların böyük əksəriyyətinin maliyyələşdirilməsi üçün Birləşdirilmiş Təsisatlar Qanununu imzalamaqdan çox məmnunam”,-deyə Tramp Ağ Evdə imzalanma zamanı bildirib. Layihə ötən cümə günü Senat, bu gün isə Nümayəndələr Palatası tərəfindən səs çoxluğu ilə qəbul edilib.
