"Qarabağ"ın ÇL-dəki uğurları UEFA-nın hesabatında

UEFA-nın rəsmi saytı Çempionlar Liqasının liqa mərhələsinin ən maraqlı rəqəmlərini və faktlarını yayınlayıb.

"Football-plus.az" xəbər verir ki, onların sırasında "Qarabağ"la bağlı məqamlar da var.

Hesabatda qeyd edilir ki, “Qarabağ” Azərbaycan tarixində Çempionlar Liqasının qrup mərhələsində qələbə qazanan ilk komanda olub. Onlar birinci turda “Benfika”nı 3:2 hesabı ilə məğlub edib. Həmçinin, “Qarabağ” UEFA turnirlərində alman rəqibini məğlub edən ilk Azərbaycan klubu kimi tarixə düşüb. Qurban Qurbanovun komandası buna 15-ci cəhddə nail olub.

"Köhlən atlar" 7-ci turda “Ayntraxt” üzərində 3:2 hesablı qələbə qazanıb.