Xankəndi, 3 fevral, AZƏRTAC
Azərbaycan gənclərinin şəhərsalma və memarlıqla bağlı fikirləri çox maraqlıdır. Onların bu sahədə aktiv olması bizi çox sevindirir.
AZƏRTAC xəbər verir ki, bu sözləri BMT-nin Məskunlaşma Proqramının ölkə üzrə rəhbəri Anna Soave Azərbaycan Gənclərinin XI Forumu çərçivəsində “Şəhərsalma və Memarlıq İli: Gənclərin Baxışı” mövzusunda keçirilən sessiyada çıxışı zamanı deyib.
O qeyd edib ki, şəhərlərin gələcəyini məhz gənclər quracaq: “Biz gənclərin təkliflərini dəstəkləyirik. Onların baxışı sayəsində şəhərlər daha rahat və müasir olacaq. Bu forum gənclər üçün böyük fürsətdir. Biz onlarla işləməkdən çox məmnunuq və uğurlar arzulayırıq”.
