GlobalInfo saytından verilən məlumata əsasən, ain.az məlumatı açıqlayır.
“ABŞ-ın keçmiş prezidenti Bill Klinton və həyat yoldaşı, keçmiş dövlət katibi Hillari Klinton Ceffri Epşteynin işi ilə bağlı Konqres qarşısında ifadə verməyə razılaşıblar”.
Globalinfo.az xəbər verir ki, bu barədə “Bloomberg” agentliyi məlumat yayıb.
“Nümayəndələr Palatasının Nəzarət Komitəsi bu yaxınlarda Epşteyn istintaqında məhkəmə çağırışlarını qulaqardına vurduqlarına görə onları Konqresə hörmətsizlikdə günahlandırıb-günahlandırmamaq barədə səsvermə keçirməli idi. Lakin sonra Klintonların vəkilləri komitənin şərtlərini qəbul etdiklərini və ifadə vermək üçün gəlməyə hazır olduqlarını bildirdi”, – deyə agentlik qeyd edib.
Komerin ofisi vəkillərin mövqeyinin hələ də qeyri-müəyyən olduğunu və ifadələrin tarixlərinin müəyyən edilmədiyini vurğulayıb.
Qeyd edək ki, ABŞ Ədliyyə Nazirliyi Epşteyn işi ilə bağlı 3 milyon səhifədən çox material yayımlayıb. Faylda maliyyəçinin cihazlarında tapılan “böyük həcmdə kommersiya pornoqrafiyası” da daxil olmaqla 2000-dən çox video və 180.000 şəkil var.
Xatırladaq ki, Epşteyn 2019-cu ildə azyaşlı qızların cinsi istismarı ilə bağlı saxlanılmış, bir neçə ay sonra isə Nyu-York həbsxanasında intihar etmişdi.
Əliyar Xəlil
Globalinfo.az
Sonrakı hadisələr barədə daha çox məlumat almaq üçün ain.az saytını izləyin.
