ain.az xəbər verir, Qaynarinfo saytına əsaslanaraq.
İsveçdə aparılan yeni elmi araşdırma döş xərçəngi müayinələrində süni intellektdən istifadənin erkən diaqnoz göstəricilərini əhəmiyyətli dərəcədə artırdığını ortaya qoyub.
Qaynarinfo xəbər verir ki, "The Lancet" jurnalında dərc olunan tədqiqat İsveçdə 100 min qadının iştirakı ilə həyata keçirilib.
Araşdırma çərçivəsində mamoqrafiya müayinəsindən keçən 100 min qadın təsadüfi seçim yolu ilə iki qrupa bölünüb: bir qrup süni intellekt dəstəkli müayinələrə, digər qrup isə standart skrininq prosedurlarına cəlb edilib.
Bu sahədə ilk təcrübəvi tədqiqat kimi qiymətləndirilən araşdırmanın nəticələrinə görə, süni intellektin tətbiqi gec diaqnoz hallarını təxminən 12 faiz azaldıb.
Mütəxəssislər bildirirlər ki, əldə olunan nəticələr süni intellektin səhiyyə sahəsində, xüsusilə də onkoloji xəstəliklərin erkən aşkarlanmasında mühüm rol oynaya biləcəyini göstərir.
Günay
Hadisənin gedişatını izləmək üçün ain.az saytında ən son yeniliklərə baxın.
