Üçüncü kurs tələbəsi faciəvi şəkildə vəfat etdi

Azərbaycanda tələbə vəfat edib.

Publika.az xəbər verir ki, Bakı Dövlət Universitetinin (BDU) tələbəsi, 2006-cı il təvəllüdlü Səma Cəmaləddin qızı Mirzəyeva yol qəzasında dünyasını dəyişib.

Onun ölmünə səbəb olan hadisə Bakı-Quba yolun Sumqayıt ərazisi, Hacı Zeynalabdin qəsəbəsindən keçən hissəsində baş verib. Burada iki avtomobil toqquşub.

Qəza zamanı S.Mirzəyeva ilə yanaşı qardaşı, 2001-ci il təvəllüdlü Ramal Cəmaləddin oğlu Mirzəyev də vəfat edib.

Səma Mirzəyeva BDU-nun Beynəlxalq münasibətlər və iqtisadiyyat fakültəsinin “Dövlət və ictimai münasibətlər” ixtisası üzrə III kursunda təhsil alırdı.

• Tələbə
• Vəfat
• Yol Qəzası
• Bakı Dövlət Universiteti