3 fevral 1992-ci ildə Ukrayna ilə diplomatik əlaqələr quran Türkiyə, Rusiya-Ukrayna müharibəsində vasitəçilikdə aparıcı rol oynadı.
Sovet İttifaqının dağılmasından sonra Türkiyə 16 dekabr 1991-ci ildə Ukraynanı tanıyan ilk ölkələrdən biri oldu.

İki ölkə arasında diplomatik münasibətlər 3 fevral 1992-ci ildə qurulub. Ankara və Kiyev 2011-ci ildə yaradılmış Yüksək Səviyyəli Strateji Şura (HLSCC) mexanizmi vasitəsilə münasibətlərini "strateji tərəfdaşlıq" səviyyəsinə qaldırdılar.

İki ölkə arasında iqtisadi və insani münasibətlərin gücləndirilməsi məqsədinə uyğun olaraq, 1 iyun 2017-ci il tarixində şəxsiyyət vəsiqələrinə əsaslanan səyahət rejimi tətbiq edildi.

Türkiyə və Ukrayna Birləşmiş Millətlər Təşkilatı (BMT), Avropa Şurası və Avropada Təhlükəsizlik və Əməkdaşlıq Təşkilatı (ATƏT) kimi beynəlxalq platformalarda bir çox məsələlərdə bir-birini dəstəkləyir.

Rusiyanın 2014-cü ildə Krımı qanunsuz ilhaq etməsindən sonra Türkiyə Ukraynanın ərazi bütövlüyünü müdafiə etdi və ilhaqı tanımadı.

Neriman Cəlal Ukraynanın Ankaradakı səfiri, Levent Bilgen isə Türkiyənin Kiyevdəki səfiri vəzifəsində çalışır.
Ukrayna Prezidenti Vladimir Zelenski müharibənin başlanğıcından bəri Türkiyəyə bir neçə dəfə səfər edib və ölkə ilə danışıqlar aparıb.

Prezident Ərdoğan müharibə hələ davam edərkən 2022-ci ilin avqust ayında Ukraynanın Lvov şəhərinə də səfər edib.

aia.az
Tərcümə şöbəsi

• Türkiyə
• Ukrayna
• Diplomatik Münasibətlər
• 34 Il