Tehran ABŞ ilə gərgin münasibətləri həll etmək üçün diplomatik variantları nəzərdən keçirir.
"Yeni Sabah" Fars News-a istinadla xəbər verir ki, bunu İran XİN-in sözçüsü İsmayıl Bəqai bildirib.
O əlavə edib ki, "Tehran yaxın günlərdə nəticəyə ümid edir".
Bir gün əvvəl İranın xarici işlər naziri Abbas Əraqçi Tehran və Vaşinqtonun İranın nüvə proqramı ilə bağlı danışıqlar apara və razılığa gələ biləcəyini bildirib.
Nazirin sözlərinə görə, Yaxın Şərqdəki bir neçə dost ölkə vasitəçi kimi çıxış edir və iki tərəf arasında qarşılıqlı etimadı bərpa etməyə çalışır.
"Konstruktiv danışıqlar etimada əsaslanmalıdır və təəssüf ki, ABŞ-yə danışıqlar aparan şəxs kimi etimadı itirmişik. Bu etimadsızlığı aradan qaldırmalıyıq", - deyə xarici işlər naziri vurğulayıb.
O bildirib ki, ABŞ-ni öz mənafeyi naminə münaqişəyə cəlb etmək istəyən müəyyən tərəflər var, lakin Əraqçi Trampı "düzgün qərar vermək üçün kifayət qədər müdrik" hesab etdiyini vurğulayıb.
Telegram kanalımız
