Fransa Prezidenti Emmanuel Makron ölkə büdcəsi təsdiqləndikdən sonra siyasi təsir imkanları məhdudlaşan prezidentə çevriləcək.
“İki sahil” xəbər verir ki, bu barədə "Politico" nəşri Fransa siyasi isteblişmentindəki anonim mənbələrə istinadla yazır.
Nəşrin qeyd etdiyi kimi, büdcə ilə bağlı mübarizənin başa çatmasından sonra siyasi diqqət 2027-ci ildə keçiriləcək prezident seçkilərinə yönələcək. Konstitusiyaya əsasən, Makron bu seçkilərdə iştirak edə bilməz. Bu isə onun ölkə daxilindəki mövqelərinin zəifləməsinə səbəb olacaq.
Bununla belə, "Politico" vurğulayır ki, Makron beynəlxalq arenada təsirini qoruyub saxlayacaq. Fransa prezidentinin xarici siyasət və təhlükəsizlik sahəsində geniş səlahiyyətlərə malik olması ona qlobal proseslərdə mühüm rol oynamağa imkan verir. Xüsusilə də ABŞ prezidenti Donald Tramp administrasiyasının siyasəti fonunda yaranan beynəlxalq qeyri-sabitlik Makronun rolunu daha da aktuallaşdırır.
Məqalədə həmçinin bildirilir ki, büdcə böhranının uğurla həll edilməsi baş nazir Qabriel Attalın mövqelərini gücləndirib və onu 2027-ci il prezident seçkilərində potensial namizəd kimi ön plana çıxarıb.
Bununla yanaşı, ekspertlər xatırladırlar ki, Fransada baş nazir postundan prezidentliyə keçid tarixən çətin və riskli proses olub.
