Ajans.az xəbər verir ki, MMC-dən Milli.Az-ın sorğusuna cavab olaraq bildirilib ki, artıq redaksiyalar yüklərini daşımağa başlayıb. Qeyd edək ki, Azərbaycan İnşaat və Memarlıq Elmi-Tədqiqat İnstitutu "Azərbaycan Nəşriyyatı" MMC-in yerləşdiyi binanın 9 mərtəbəli korpusunda vizual texniki baxış keçirib. Baxış nəticəsində nəşriyyatın uzunmüddətli istismarı zamanı əsaslı təmir işlərinin aparılmaması ilə əlaqədar əsas yükdaşıyan konstruksiyalarda, su-kanalizasiya və elektrik xətlərində qüsur və zədələnmələr aşkarlanıb. Bundan əlavə, binadakı liftlərin texniki vəziyyəti qənaətbəxş deyil.