“Böyük Dəbilqə”nin ikiqat çempionu, Qazaxıstan tennisçisi Yelena Rıbakina Avstraliya Açıq Turnirində qalib gələrək 2.905.000 dollar qazanıb.
Publika.az xəbər verir ki, o, finalda dünya reytinqinin bir nömrəli tennisçisi belaruslu Arina Sobolenkonu 6:4, 4:6, 6:4 hesabı ilə məğlub edib.
Bu, 26 yaşlı Rıbakinanın karyerasında ən böyük mükafat deyil. 2025-ci il WTA finalında Yelena bütün beş matçda qalib gələrək 5,235 milyon dollar qazanıb. İlk “Böyük Dəbilqə” titulu olan “Uimbldon 2022”də Rıbakina 2,58 milyon dollar qazanıb.
