Ukraynanın paytaxtı Kiyevdə kəskin enerji çatışmazlığı şəhərin həyat əhəmiyyətli infrastrukturunu tamamilə iflic edib. Elektrik enerjisinin kəsilməsi nəticəsində metro nəqliyyatı dayanıb, şəhər böhran vəziyyətinə düşüb.
AFN.az xəbər verir ki, mövcud kritik durumla bağlı Kiyev şəhər meri Vitali Kliçko özünün rəsmi "Telegram" kanalı vasitəsilə məlumat yayıb. Mer qeyd edib ki, ölkə boyu davam edən təcili elektrik kəsintiləri paytaxtdan da yan keçməyib.
Kliçkonun sözlərinə görə, şəbəkədə gərginliyin həddindən artıq aşağı olması qatarların hərəkətini qeyri-mümkün edib: “Hazırda metro stansiyaları ehtiyat qida mənbələri sayəsində yalnız sığınacaq funksiyasını yerinə yetirir. Qatarların hərəkəti isə tam dayandırılıb”.
Paytaxtda vəziyyət yalnız nəqliyyatla məhdudlaşmır; şəhərin su və istilik təchizatı sistemləri də fəaliyyətsiz qalıb. Bundan əlavə, Kiyev istiqamətinə hərəkət edən elektrik qatarlarının da işi dondurulub.
Xüsusilə havaların kəskin soyuması və şaxtalı hava şəraiti fonunda 400-dən çox çoxmərtəbəli binanın istiliksiz qalması humanitar vəziyyəti kritik həddə çatdırıb.
