İngiltərənin “Mançester Siti” klubunun portuqaliyalı müdafiəçisi Ruben Diasın evi Çempionlar Liqasında Türkiyənin “Qalatasaray” klubuna qarşı oyunu zamanı qarət edilib.
Yeniavaz.com xəbər verir ki, bu barədə “The Telegraph” qəzeti məlumat yayıb.
Məlumata görə, soyğun zamanı evdə heç kim olmayıb. Oğrular evdən bir neçə əşyanı oğurlayıblar.
Polis artıq araşdırmalara başlayıb.
Qeyd edək ki, “Mançester Siti”nin “Qalatasaray”la öz meydanında keçirdiyi oyun yanvarın 28-də baş tutub. Oyun “Mançester Siti”nin 2:0 hesablı qələbəsi ilə başa çatıb. Dias yanvarın əvvəlində aldığı zədə ilə əlaqədar oyunu buraxıb.
