Bakı şəhəri, Qaradağ Rayonu İcra Hakimiyyəti başçısının səlahiyyətlərini icra edən şəxsin kimliyi məlum olub.
Redaktor.az “Yeni Sabah”a istinadla xəbər verir ki, hazırda rayona icra başçısının birinci müavini Emil Abbasov rəhbərlik edir.
O, uzun illərdir Qaradağ Rayon İcra Hakimiyyəti başçısının birinci müavini vəzifəsini tutur.
Qeyd edək ki, hazırda Qaradağda icra başçısının yalnız bir müavini var. Bu da E.Abbasovdur.
Xatırladaq ki, Qaradağ Rayon İcra Hakimiyyətinin başçısı Süleyman Mikayılov ötən gün vəzifəsindən azad edilib. Hələlik icra başçısı vəzifəsinə yeni təyinat olmayıb.
