Rusiya istehsalı olan Su-30SM2 qırıcı təyyarələrinin daha bir partiyası Belarus Hərbi Hava Qüvvələri və Hava Hücumundan Müdafiə Qoşunlarına çatdırılıb.
“Poliqon” xəbər verir ki, bu barədə Belarus Müdafiə Nazirliyi məlumat paylaşıb.
Belarus HHQ və HHM Qoşunları komandanının müavini polkovnik Aleksandr Belyayev vurğulayıb ki, aviasiya heyətinin əsas vəzifəsi ölkənin hava sərhədlərinin qorunmasıdır.
“Yeni təyyarələrin qəbulu aviasiya heyəti üçün hər zaman bayramdır. Zavoddan yeni çıxmış qırıcı təyyarəni idarə etmək şərəfli və xoşdur, lakin bu, eyni zamanda böyük məsuliyyət də tələb edir. Belə aviasiya texnikasına xidmət göstərən şəxsi heyətin hiss etdiyi məsuliyyət hissi sadəcə həddindən artıqdır”, – deyə A. Belyayev bildirib.
Qeyd edək ki, bu, 2026-cı ildə Belarus HHQ və HHM Qoşunlarına çatdırılan Su-30SM2 qırıcılarının ilk partiyasıdır.
