"Kəpəz" FİFA-ya müraciət edib.
Gəncə klubu dekabrın üçüncü yarısında ölkəsinə yola saldığı Jefferson Bentudan şikayətçidir.
"Sarı-göylər" Azərbaycana qayıtmaqdan imtina edən braziliyalı müdafiəçinin cəzalandırılmasını tələb etməklə yanaşı, onun kompensasiya ödəmsəsini istəyib.
"Kəpəz" məktubda göstərib ki, ötən miüddət ərzində legionerlə dəfələrlə əlaqə saxlanılıb, geri dönməsi üçün danışıqlar aparılıb, lakin qarşı tərəf heç bir səbəb göstərmədən problemin həllindən yayınıb.
22 yaşlı cənubi amerikalı son olaraq "Portimonense"də çıxış edib. O, Portuqaliyanın ikinci liqa klubundan 1 illik icarəyə götürülüb.
"Kəpəz" 193 sm boya malik "sambaçı"nın hərəkəti barədə "Portimonense"ni də məlumatlandırdığını FİFA-nın diqqətinə çatdırıb.
Məktubda qeyd olunub ki, mərkəz müdafiəçisi Portuqaliya klubu Jeffersonu Azərbaycana qaytarmaq yolunda konkret cəhd göstərməyib.
SPORTİNFO.AZ
