Bloomberg: Biznesmen SpaceX Tesla və ya xAI ilə birləşmə imkanlarını araşdırır...
Amerikalı sahibkar İlon Mask tərəfindən təsis edilmiş kosmik şirkət SpaceX onun rəhbərlik etdiyi digər şirkətlər, Tesla və xAI ilə birləşmə imkanlarını nəzərdən keçirir.
Poliqon xəbər verir ki, bu barədə Bloomberg Agentliyi məlumat yayıb.
Nəşr yazır ki, Mask öz biznes imperiyasını konsolidasiya etməyin yollarını axtarır. Bildirilir ki, hazırda yekun qərar qəbul olunmayıb, lakin mümkün birləşmələrdən hər hansı biri infrastruktur fondları və Yaxın Şərqdən olan investorlar tərəfindən ciddi maraq doğura bilər.
Məlumata görə, bu təşəbbüs İlon Maskın biznes strukturlarını daha sıx şəkildə birləşdirmək niyyətindən xəbər verir. Jurnalistlərin əldə etdiyi informasiyaya əsasən, bəzi investorlar SpaceX-in elektromobil istehsalçısı Tesla ilə birləşməsi ideyasını dəstəkləyir. Eyni zamanda, süni intellekt sahəsində fəaliyyət göstərən xAI startapı ilə mümkün birləşmə variantı da ayrıca müzakirə olunur.
Xatırladılır ki, bundan əvvəl Tesla şirkətinin Model S və Model X avtomobillərinin istehsalını mərhələli şəkildə dayandıracağı və resursları insanabənzər robotların hazırlanmasına yönəldəcəyi barədə məlumat yayılmışdı. İlon Maskın sözlərinə görə, uzunmüddətli perspektivdə Tesla ildə təxminən bir milyon Optimus humanoid robotu istehsal etməyi planlaşdırır.
Poliqon.info
