Fransa hakimiyyəti dövlət qulluqçularının “Zoom”, “Microsoft Teams” və “Google Meet” daxil olmaqla ABŞ video konfrans platformalarından istifadəsini qadağan etmək niyyətindədir.
Yeniavaz.com xəbər verir ki, bu barədə Fransa hökumətinin sözçüsü Avropa nəşri olan “Politico”ya danışıb.
Qəzetin məlumatına görə, yaxın günlərdə məmurların özəl video konfrans xidməti olan “Visio”dan istifadə etməsini tələb edən bir qayda dərc olunacaq. Platforma Fransanın “Outscale” şirkətinin infrastrukturu üzərində işləyir və artıq təxminən 40.000 dövlət qulluqçusu tərəfindən istifadə olunur. Qəzetin məlumatına görə, hakimiyyət orqanları istifadəçi sayını 250.000-ə çatdırmağı planlaşdırır və hökumət şəbəkələri vasitəsilə xarici xidmətlərə çıxışı texniki olaraq məhdudlaşdırmağı istisna etməyib.
