İspaniya millisinin sabiq üzvü Dani Quizanın yeni klubu məlum olub.
Msport.az xəbər verir ki, 45 yaşlı hücumçu səviyyəcə 7-ci liqada çıxış edən “Xerez İndustrial”a keçib.
Təcrübəli forvardla bu ilin iyununa qədər müqavilə imzalanıb.
Qeyd edək ki, karyerası ərzində “Fənərbağça”, “Barselona”, “Kadis”, “Mayorka” və “Xetafe”nin formasını geyinmiş Quizanın son iş yeri İspaniyanın 7-ci liqasında çıxış edən “Rayo Sanluqeno” klubu olub. O, İspaniya millisində meydana çıxdığı 21 oyunda 6 qol vurub.
