ABŞ prezidenti Donald Tramp Axios-a verdiyi müsahibədə İranla bağlı vəziyyətin "qeyri-müəyyən" olduğunu, bölgəyə "böyük bir donanma" göndərdiyini, lakin Tehranın həqiqətən də razılaşma əldə etmək istədiyini düşündüyünü bildirib.
ABŞ prezidenti Donald Tramp Axios xəbər platformasına verdiyi müsahibədə İranla bağlı açıqlamalar verib.
USS Abraham Lincoln təyyarədaşıyan gəmisinin Yaxın Şərqdə yerləşdirildiyini xatırladan Tramp deyib: "İranla yanaşı böyük bir donanmamız var. Bu, Venesueladakından daha böyükdür".
ABŞ prezidenti milli təhlükəsizlik komandası tərəfindən ona təqdim edilən variantları müzakirə etməkdən və ya hansına üstünlük verdiyini dəqiqləşdirməkdən imtina edib.
Diplomatiyanın hələ də bir seçim olduğunu bildirən Tramp deyib: "Onlar razılaşmaq istəyirlər. Bunu bilirəm. Dəfələrlə zəng ediblər. Danışmaq istəyirlər". Axios-a danışan mənbələr Trampın hələ İranla bağlı yekun qərar vermədiyini bildiriblər.
Oksijen tərəfindən tərtib edilən hesabatda qeyd olunur ki, İranda iqtisadi və həyat şəraitinin pisləşməsi səbəbindən 2025-ci ilin dekabrında başlayan etirazlardan bəri ABŞ və İsrailin Tehrana təzyiqi artıb.
