Braziliya millisinin keçmiş hücumçusu Aleşandre Pato peşəkar futbola investor kimi qayıda bilər.
Msport.az xəbər verir ki, o, İngiltərənin II Liqa təmsilçisi “Kolçester”in səhmlərinin nəzarət paketini əldə etmək niyyətindədir.
Pato klubun nəzarət səhm paketini almaq üçün danışıqlar aparır. O, son vaxtlar komandanın oyunlarında müntəzəm olaraq iştirak edir və bu da mümkün müqaviləyə marağı daha da artırıb. Denni Koulinin rəhbərliyi altında komanda müsbət temp nümayiş etdirir və I Liqaya yüksəlməyi hədəfləyir.
Qeyd edək ki, Pato oyunçu karyerası ərzində “Milan”, “İnternasional”, “Korintians”, “San Paulo”, “Tianjin Teda”, “Vilyarreal”, “Orlando Siti” və “Çelsi” kimi bir sıra məşhur klublarda oynayıb.
