“Yuventus” və “Arsenal”ın, həmçinin İsveçrə millisinin sabiq müdafiəçisi Ştefan Lixtştayner “Bazel”in “sükanı arxasına” keçib.
Msport.az xəbər verir ki, tərəflər 2029-cu ilin yayına qədər qüvvədə olacaq müqavilə imzalayıblar.
42 yaşlı mütəxəssis 2022-2024-cü illərdə “Bazel”in gənclər komandalarına rəhbərlik edib, daha sonra isə “Vettsvil-Bonstetten” klubunda baş məşqçi kimi fəaliyyət göstərib.
Lixtştayner “Yuventus”un heyətində yeddiqat İtaliya çempionu olub.
Qeyd edək ki, “Bazel” İsveçrə Superliqasında 21 turdan sonra turnir cədvəlinin 4-cü pilləsində qərarlaşıb. Komanda lider “Tun”dan 10 xal geri qalır.
