Ədalət Əbdülsəmədin 60 illik yubileyi keçirilib - FOTO

Azərbaycan Dövlət Milli Gənc Tamaşaçılar Teatrında aktyor Ədalət Əbdülsəmədin 60 illik yubileyi keçirilib.

Mədəniyyət və incəsənət xadimlərinin, ictimaiyyət nümayəndələrinin iştirak etdikləri yubiley tədbirində teatrın direktoru Naidə İsmayılzadə çıxış edərək aktyoru yubiley münasibəti ilə təbrik edib, onun həyat və yaradıcılığından, Azərbaycan teatrının və kinosunun inkişafındakı xidmətlərindən bəhs edib.

Gecədə Teatr Xadimlər İttifaqının sədr müavini, Xalq artisti İlham Namiq Kamal, Xalq artisti Qurban İsmayılov, Əməkdar artist Elnur Hüseynov, aktrisa Zemfira Əbdülsəmədova və aktyorun yaxın dostu Ruslan Şeydayev çıxış edərək yubiliyarın teatr xidmətlərindən, fəaliyyətindən ətraflı söz açıblar.

Daha sonra Ədalət Əbdülsəmədə Teatr Xadimlər İttifaqının "Teatr fədaisi" medalı təqdim olunub, aktyorun yubileyinə həsr olunan, Səbinə Məmmədzadənin quruluşunda hazırlanan "Solğun çiçəklər" tamaşası nümayiş etdirilib.

Qeyd edək ki, Cəfər Cabbarlının "Solğun çiçəklər" əsərində Ədalət Əbdülsəməd Əbdül obrazını cablandırır.

İnformasiya dəstəyi -  Trend.Az, Day.Az, Milli.Az

Məqaləyə dair fotomateriallar: